抗疫大師 aka 玄學大師李居明師傅開運法

今個牛年,我地搵到抗疫大師aka玄學大師李居明師傅,教大家點樣用雙手結出一把鬼滅之刃嘅劍印出嚟嚇走牛鬼蛇神!

#天天開運王 #李居明 #seeseetvb

第一招

第一樣嘢就係大家最近都喺度睇緊

嗰套叫《鬼滅の刃》

戲裡面有個降魔伏妖嘅一把劍

嗰把大日劍呀!

其實喺物法裡面, 亦即係玄學裡面

原來每個人手裡面都有呢把大日劍!

咁呢把大日劍, 今日我就教大家

點樣可以用呢把大日劍去降魔伏妖

增加下自己嘅運程喇喎!

好喇!大家跟我做喇!

做法: 先做一個叫做外綁嘅手印

外綁即係將啲手指全部緊握

咁呢個就個個都識架喇!係咪呀?

呢個手印好易啦!

好喇 跟住將個中指伸咗出嚟俾啲力佢

跟住你手上嘅大日劍印

就馬上出現架喇!

大家睇喇喎!

變!

呢個係咪似把劍呢?

呢個就叫做大日劍印

係密宗裡面嘅大手印, 係代表你係擁有一把劍, 可以保護自己

第二招

好喇!平時大家都識結呢個劍印

大家將呢個手板打開

然後喺上面寫一個勝利嘅勝字

繁筆喎!唔係簡筆!

當我寫到個力字嘅時間呢

個力字然後兜三個圈

1、2、3…然後一撇過嚟!

呢一撇就代表將嗰啲衰嘢辟除晒

然後將呢個勝字收埋喺自己手嗰度, 唔好攞出嚟

如果你見工嘅時候去到, 行入去嗰個老細個房先放出個勝字出嚟

或者你去演講/ 或者你去對一啲投資/ 或者你去面對一啲困難嘅時間

你去到現場先放個勝字出嚟

當然如果你馬上要解決個問題

你寫完個勝字之後, 跟住將呢個勝字一托出去, 咁你就可得到呢個勝利喇!

呢個係密宗裡面嘅…摩利支天勝字法, 係我哋中國嘅唐密, 一個好珍貴嘅一個絕存嘅方法

咁我喺呢度教咗大家寫個勝字

第三招

好多人行山嘅時間, 原來係要寫一個字, 就係老虎個虎字

喺個手板上面寫老虎個虎字, 然後揸個拳頭

然後你去行山, 你就與虎同行

嘩!帶住個老虎上山

乜嘢蛇呀、乜嘢蟻呀, 乜嘢古靈精怪嘅壞人

全部都避開晒你架喇!


呢三招好好運用喇喎!

喺2021年喺呢度祝大家行返個好運!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s