好葡萄啊…我都想同成班女神bb瘋狂做運動啊… #野外步出 #aka #陳庭欣 #方紹聰
點解呢個世界咁唔公平咖
究竟奶仔有咩魅力
點解個個女神都肯同佢做……運動啊
Toby又肯同佢落海濕身
Aka又肯同佢上……山dating
點解糟質完佢地又會咁開心嘅
奶仔憑咩喎, 我真係好想知啊!
“Yeah 今日好好天啊”
Toby隱藏情節
奶: 好 今日我哋野外步出都差唔多啦
欣: 咩差唔多啦 你都未得, 男人係最唔可以比人話唔得㗎嘛
奶: 但係滑水呢樣野我真係未必得
欣: 係囉 滑水呀嘛 再努力啲啦 去啦
奶: 咁你都要比塊板我㗎
欣: 係喎 唔記得咗
欣: 我哋曬黑幾度 好想跳落水啊 奶仔快啲學識啦
奶: 我要希望今次可以成功放手
欣: 好 望出去 踢咗出去先 有啲浪
欣: 哎呀 好大力呀佢
欣: 望我望我望我
欣: 但係呢 我叫佢望住我想拖我隻手
欣: 佢一啲都唔望我
奶: 可唔可以你返去呢, 永遠接着我頭先wake到嗰2秒
接啲景點shot又出2秒
又接呢啲動物shot又2秒
又接啲船shot 2秒 出到嚟個畫面 啲觀眾覺得我wake左十幾秒
欣: 唔好發夢啦 比心機練啦
Aka隱藏情節
奶: Aka 想問你一個心理測驗 你最鍾意食係乜嘢生果？
Aka: 西瓜
奶: 嗱 試幻想一下 依家喺你面前就係一個完全冇人嘅西瓜園
跟住你就有架手推車 你入到去呢 就算攞幾多個西瓜都冇人會知道嘅
咁呢個時候你會點樣操作呢? 你會攞幾多個?
Aka: 攞幾多個呀? 我要幾耐之內食晒㗎要？
奶: 你可以攞返屋企食又得 攞俾朋友食又得 攞返屋企賣又得 喺嗰度食又得
Aka: 唔計嗰重量嘅
奶: 無
Aka: 好煩呀我
奶: 嗰架車係好勁嘅 嗰架車係貨車嚟嘅
Aka: 咁呀…我會攞廿個
奶: 20個？
Aka: 係呀
奶: 食唔食得晒呀
Aka: 因為我想分啲俾屋企人 分啲俾我啲friend啦 啲表兄弟姊妹啦 佢哋都會覺得好食㗎 分個比你囉
奶: 但係其實呢個聽落去呢 好似好繽紛好開心 一個好健康正面嘅心理測驗 係咪？
Aka: 係
奶: 但其實呢個一啲都唔健康㗎
Aka: 點解？
奶: 呢個係測試一個人會唔會出軌
Aka: 哦…大鑊啦我
奶: 你鑊係大 一般啲普通會出軌嘅人呢 都係揀兩至三個 但係你揀20個
Aka: 咁點啊？
奶: 咁就出色啦
Aka: 咁就唔出軌啦？
奶: 不過最得意呢 你揀20個 你係會同時間你會諗起你啲屋企人
因為同佢地分享 諗起你嘅朋友 即係話儘管…
我哋虛構 我哋呢啲心理測驗未必準㗎 但係如果真係準
你真係出去偷食嘅時候呢 你都會諗起佢哋嘅感受
即係可能一去到就想攞20個 跟住諗起屋企人
好似都偷嘢唔係幾啱
Aka: 偷嘅原來嗰啲係
奶: 偷㗎
Aka: 原來係偷㗎 咁就一個都唔偷啦
奶: artist講嘢係咁㗎 artist講嘢唔好信啦
Aka: 偷就唔好 大家記住偷嘢係唔啱㗎
奶: 我都係㗎 我都唔會攞㗎
Aka: 偷嘢可能嗰陣時 我會偷一個食囉
奶: 我平時唔會衝紅燈㗎 ……
SeeSeeTVB 