兩分鐘睇完《非凡三俠》丨See See TVB

食人粒糖,俾人捆綁 食人粒糖,打到入廠 睇完《非凡三俠》,我明白到,真係唔好隨便食人粒糖… #非凡三俠 #大結局 #聽晚八點半 #SeeSeeTVB
___

今日我要講嘅故事就係三個成年人

因為細路女粒糖而去拯救世界嘅故事

(爆炸聲)

《非凡三俠》

第1-2集:

話明三俠梗係有三個人啦!

包括寫FF故到搵到食嘅作家初哥哥

被毒男溝到嘅靚女導遊娜姐

仲有睇落啱做替身演員嘅澤囝

故事講述佢哋三個明明唔識大家

咁啱得咁橋喺條路度相遇

咁啱得咁橋一個請過佢哋食糖嘅細路女

又被黑幫擄走咗喎

成件事咁巧合之下

佢哋望到就好唔開心啦

就走咗去酒吧度飲酒

有個咖啡男就出現咗

帶咗佢哋去講數添!

講緊數途中遇到盲俠突襲!

三個扮到好打得啦!

仲用主角光環

呃晒撈咗十幾二十年嘅黑社會古惑仔

娜姐仲動用埋佢嘅姿色殺咗訊號王

唔單止救到細路女

仲救埋班細路添!

做埋英雄就大團圓結局YEAH!

第3-4集:

編劇又點會被你過得咁順利呀?

三個主角忍唔住寂寞

就一齊諗住約個見面啦!

點知喺途中就見到娜姐兒時好友

暗黑女神 偽Ali

點知 偽Ali原來被殺手追殺緊

正常人見到殺手梗係會走開啦!

佢哋三個就憑住主角唔會死嘅定律

就決定護送佢

送送下就送到初哥哥屋企

偽Ali就憑住佢出色嘅剋死人技巧

整低咗個殺手

經過一連串你估唔到主角會死嘅追逐戲

初哥哥用佢平時寫故仔嘅橋段

澤囝用佢三流替身嘅經驗

再加上主角光環

終於送到剋星偽Ali去搭飛機走人

從此過上幸福快樂嘅生活YEAH!

第五集:

隔咗幾個月之後

娜姐突然間嚟個韓劇式嘅突發性失憶

初哥哥同澤囝探佢嗰陣

自稱未婚夫嘅夜浦哥嚟接佢走

夜浦哥就帶娜姐返屋企

揭穿咗娜姐嘅真實身份

原來佢就係特工嚟架!

想埋夜浦哥身邊落老蘭

唔係!係銷毀佢研發緊嘅病毒

初哥哥就用男人嘅第六感

Feel到娜姐有危險

帶埋澤囝搭的士救人

咁啱得咁橋又係娜姐個老竇兼上司旦哥

佢亦都叫佢哋救娜姐

臨尾就係初哥哥同澤囝

猶豫緊救唔救娜姐嗰陣就完咗喇噃!

想知最後一集發生啲咩

咁就要留意聽晚八點半嘅《非凡三俠》喇!

呢個故事就教訓我哋

唔好隨便食人哋粒糖呀!

如果唔係就好多麻煩嘢上手架喇!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s