機師空姐空少大爆料！！ 飛機遇過咩奇怪事？撞過咩明星？麥大力到底有幾大力？即刻問問一班空少空姐同機長！！ #衝上雲霄大選
Ardis 楊銘熙
Q︰你點解會參加今次大選呢？
A：因為其實我真係好鍾意表演嘅，咁我好想試下喺TVB呢個咁大嘅舞台上面，如果可以唱歌跳舞咁就Perfect喇！
Q︰飛嘅時候有冇試過有啲奇遇呀？
A：有一個客人係有癲癇嘅，佢應該係睇睇下電影被一啲強光，令到佢個病發作
(咁你有冇俾對拖鞋佢咬住呀？) 係冇嘅！
Q︰咁有冇試過喺飛機上面遇過啲明星呀？
A：家燕媽媽、十字步
Daniven 陳國麟
Q︰你點解會參加今次大選呢？
A：其實係我朋友幫我報嘅，我純粹好奇心
(咁你朋友得唔得？) 我朋友唔得架…
Q︰咁你覺得自己有咩強項係會贏到呢個大選呢？
A：我強項就係我性格好樂觀啦
Q︰飛嘅時候有冇試過有啲奇遇呀？
A：喺飛機度幫個乘客做CPR，然之後佢嘔晒成地下都係嘢，爭啲噴咗我
(你撳錯咗個胃呀？) 可能係
Q︰咁有冇試過喺飛機上面遇過啲明星呀？
A：周潤發、張家輝、陳奕迅
Q︰其他參賽者裡面有冇覺得邊位一定會輸架？
A：呢個好簡單，呢個一定要答佢，可唔可以Plan近啲？ Terry！
因為佢唔輸我點贏呀？ (OK！又係出賣朋友系列？) 冇錯
Monica吳洛汶
Q︰你點解會參加今次大選呢？
A：首先就真係冇嘢做啦 ，自己又鍾意表演
Q︰咁你覺得自己有咩強項係會贏到呢個大選呢？
A：識唱《衝上雲霄》主題曲 仲要一二輯都識
Q︰咁有冇試過喺飛機上面遇過啲明星呀？
A：我見過Stephy同埋王子 (方力申呢？) 方力申冇見過
Brain李傑志
Q︰你點解會參加今次大選呢？
A：首先失業啦、航空公司倒閉，同埋亦都係追夢
Q︰咁你覺得自己有咩強項係會贏到呢個大選呢？
A：我可以去得好盡，做起上嚟係冇底線
Q︰飛嘅時候有冇試過有啲奇遇呀？
A：飛緊去香港降落嘅時候呢，風切變…架機係失速跌落去嘅，
跟住好危急就要即刻救返架飛機上嚟，去兜一個圈返嚟，
但係就同乘客講，天氣唔好囉，或者控制塔話未準備好囉，
自己就好大壓力，因為架飛機會跌落嚟會失事
Q︰咁有冇試過喺飛機上面遇過啲明星呀？
A：劉德華、陳偉霆
Q︰其他參賽者裡面有冇覺得邊位一定會輸架？
A：麥大力
(點解呢？) 佢唔識中文
(但係佢夠大力喎) 我都好大力架喎！
同埋佢成日都要我哋翻譯，我哋唔翻譯佢咪唔識答囉，咁就輸啦！
Keith 盛勁為
Q︰你點解會參加今次大選呢？
A：可以試下做我以前從來冇做過嘅嘢啦
Q︰咁你覺得自己有咩強項係會贏到呢個大選呢？
A：我係全面 (咁全面識唔識唱下歌呀？) 識～～！！
(《衝上雲霄》主題曲) 點唱呀？
Q︰其他參賽者裡面有冇覺得邊位一定會輸架？
A：我嘅Captain麥大力 (大力好大力，點解佢會輸？)
因為佢太靚仔喇！啲人妒忌佢一定會，包括我在內
Paco魏柏豪
Q︰你點解會參加今次大選呢？
A：我想做綜藝嗰邊嘅主持人
Q︰咁你覺得自己有咩強項係會贏到呢個大選呢？
A：咁我其實本身都識玩魔術嘅
Q︰飛嘅時候有冇試過有啲奇遇呀？
A：有乘客喺我班飛機度…過咗身，呢個係比較難忘啲嘅
Q︰咁有冇試過喺飛機上面遇過啲明星呀？
A：任達華
Q︰其他參賽者裡面有冇覺得邊位一定會輸架？
A：Stan囉！我知好多人講佢
(點解呢？) Friend呀嘛！
(即係出賣朋友系列？) 係呀
Clementine史穎喬
Q︰咁你覺得自己有咩強項係會贏到呢個大選呢？
A：靠優秀外型 (靠優秀嘅外型？) 再講多次，之前喺飛機上面有人都話我似Chiwawa嘅…
Q︰飛嘅時候有冇試過有啲奇遇呀？
A：最奇怪一次係我教個客沖廁所
Q︰咁有冇試過喺飛機上面遇過啲明星呀？
A：冇喎！我就係本身諗住會遇到啲明星靚仔，但係都冇…我未試過呀都…
Q︰其他參賽者裡面有冇覺得邊位一定會輸架？
A：Brian！(點解呢？) 因為佢年紀最大
Terry李鉅峰
Q︰咁你覺得自己有咩強項係會贏到呢個大選呢？
A：識唱《衝上雲霄》主題曲: 看見你 愛上你 如何不懂謙卑 …. (睇片)
Q︰飛嘅時候有冇試過有啲奇遇呀？
A：遇過一個乘客佢俾BB我抱囉，咁我係冇…從來冇抱BB嘅經驗
Q︰咁有冇試過喺飛機上面遇過啲明星呀？
A：明星都有呀，我遇過舒淇
