做人最緊要腳踏實地，唔好同人比，點解呀？因為當你一步一腳印默默打拼嘅時候，其實周圍個個都坐緊噴射機。。。一比較，做人幾無癮呢你話。。。。 #游嘉欣 #林正峰 #SeeSeeTVB #香港愛情故事 #沒有比較＃就沒有傷害
____
游：每逢舊同學聚餐，個個都肯定出嚟曬命，無計啦香港生活壓力大，唔趁呢個機會攞番啲心理平衡，仲等幾時喎～
香港 “沒有比較就沒有傷害" 的愛情故事
游：唔好意思呀，份工太忙，遲咗少少～
Peter：唔緊要～岩岩講緊話阿ＴＯＭ搬屋渣嘛，點呀，搬去邊呀？
Tom：無呀，岩岩上咗樓，安達村
游：唓，公屋咋話～
游：公屋都係屋，咪住住先….
Tom：Exactly！車位夠平，我個啲Lamborghini, Ferrari ，一二三四泊曬喺度，每個月都係幾千蚊，年中慳唔少呀真係～
大隻仔：住公屋先係最醒，你睇吓人地，萬幾蚊租得過二百幾呎，比著係我就死咗佢算喇
Tom：話時話，你以前好瘦架，做咩而家咁大隻咖？
大隻仔：而家咁嘅環境，邊有工開呀～
游：四肢發達，頭腦簡單，梗係撈唔掂啦
大隻仔：點知早排同個客講「姨姨，我不想努力了」，佢又真係二話不說就打本開咗間Gym room喎
Tom：人生勝利組咪就係你呢啲囉係咪～
Betty：不過呢你就好啦，唔似我咁辛苦命，我老公話要ｃｕｔ我家用呀！
游：呢條女當年日日剩係識FF嫁金龜，家下嫁得出都偷笑啦話～
游：而家返工邊個唔辛苦呀，咪同老公一齊捱下先囉
Betty：返工？其實我好耐都無返工啦，我老公日日畀幾十萬我洗，然後迫我日日駛晒佢喎，每日我日日淨係諗買咩野到，諗到我頭都大埋
Peter：係呢，你哋兩個而家做緊咩呀，以前你兩個讀書咁勁，而家一定撈得好掂啦
永遠不要跟人比，因為愈比你愈想死
峰：我做記者～
游：我係空姐。。。
